Пахтачидаги техникум директори Соғлиқни сақлаш аълочиси кўкрак нишони билан мукофотланди

Пахтачи Абу Али ибн Сино номидаги жамоат саломатлиги техникуми директори Нурбаев Эркин Омонтошевич "Ўзбекистон Республикаси Соғлиқни сақлаш аълочиси" кўкрак нишони билан мукофотланди.

Эркин Омонтошевич - 1979 йил Ўрта Осиё Медицина Педиатрия институтини тамомлаган. Меҳнат фаолияти давомида Самарқанд вилояти 1-сон бирлашган шифохонаси қон-томирлар жарроҳлиги бўлими қон-томирлар жарроҳи, микрохирургия бўлими мудири бўлиб ишлаб, 2014 йилдан ҳозирга қадар Пахтачи Абу Али ибн Сино номидаги жамоат саломатлиги техникуми директори. Самарқанд вилояти Халқ депутатлари Кенгаши депутати.