МУРОЖААТ

Самарқанд вилояти Пахтачи тумани давлат солиқ инспекцияси бошлиғи Акбар Турғуновнинг “Солиқчи — кўмакчи” тамойили асосида туман давлат солиқ хизмати органларининг амалга ошираётган ишлари юзасидан

МУРОЖААТИ

Ассалому алайкум,

Ҳурматли солиқ тўловчилар!

Бугунги кунда давлат солиқ хизмати органлари “Солиқчи – кўмакчи тамойили асосида фаолият юритиши устувор вазифа этиб белгиланган. Хўш, шу ўринда “Солиқчи — кўмакчи” тамойилининг мазмун-моҳияти нималардан иборат, деган ўринли савол туғилиши табиий. Энг аввало, иш бошлаётган тадбиркорга биринчи қадамидан унга қайси солиқ режими қулай ва фойдали эканлигини танлаб беришимиз зарур. Ундан кейинги босқичда асосий эътибор тадбиркорлик субъектининг оёққа туриб олишига, фаолият кўрсатмаётганларини қайта тиклашга, бухгалтериясини юритиш, ҳисоботларни шакллантириш ва топшириш, хуллас, нима муаммоси бўлса ҳал этиш бўйича кўмаклашишга қаратилади.

Пахтачи тумани давлат солиқ хизмати органларига II чорак учун бюджет даромадларига 16,2 миллиард сўмлик режа белгиланган бўлиб, ҳақиқатда 17,8 миллиард сўмлик тушум таъминланди ва прогноз кўрсаткичи 110 фоизга (1,6 млрд.сўм ортиғи билан) бажарилди.

Белгиланган режанинг ортиғи билан бажарилишида ҳар бир тадбиркорларнинг муаммоларини тушунган ҳолда, уларга яқин кўмакчи сифатида иш ташкил қилингани асосий сабаб десам янглишмайман.

Таъкидлаш жоизки, бугунги кунда давлат солиқ хизмати органлари фаолияти тадбиркорларни жазолашга эмас, аксинча уларга энг яқин кўмакчи бўлиш, ишбилармон доира вакилларини қўллаб-қувватлашга қаратилгани билан аҳамиятлидир. Демак, фаолиятимизга баҳо солиқ қонунчилиги бузилиши қай даражада камайгани, тадбиркорларни ортиқча сарф-харажатлардан сақлаб қолиш, улар дуч келаётган муаммоларни ўз вақтида бартараф этишга қараб берилади.

Фаолиятини бошлаётган тадбиркор қатор муаммоларга дуч келиши эҳтимолдан ҳоли эмас. Айни жараёнда уларга давлат солиқ хизмати органлари ходимлари кўмакчи бўлиши зарур.  

Дарҳақиқат солиқ ходими энг аввало, янги иш бошлаётган тадбиркорга биринчи қадамидан унга қайси солиқ режими қулай ва фойдали эканини танлаб беришимиз зарур.

Илгари тадбиркорлар солиқ идораларида хонама-хона юриб овора бўлар, қимматли вақтини йўқотар эди. Бугун эса тадбиркорларга хизмат кўрсатиш учун қулай шароитлар яратилаётганини эътироф этиш жоиз. Жумладан, солиқ тўловчиларга хизмат кўрсатиш учун инспекцияминг Юридик шахсларга хизмат кўрсатиш бўлимидан 6 нафар, Камерал солиқ текшируви бўлимидан 3 нафар, Солиқ қарзини ундиришни ташкил қилиш бўлимидан 3 нафар, Ҳисобни юритиш ва бюджет даромадларини прогнозлаштириш бўлимидан 2 нафар, Солиқ маслаҳати бўлимидан 1 нафар,  Ташкилий-инспекторлик бўлимдан 1 нафар, жами 16 нафар ходим жалб қилинган.

Тадбиркорларни фаолиятини энди бошлаган ҳамда фаолияти давомида қийинчиликка дуч келаётган тадбиркорлик субъектларига “Солиқчи–тадбиркорга кўмакчи” тамойили доирасида солиқ органлари томонидан изчил ишлар амалга оширилиб келмоқда.

 “Солиқчи – тадбиркорга кўмакчи” тамойили доирасида тумандаги  565 та тадбиркорлик субъектлари ўрганилди. Шундан 502 тасига кўмаклашиш зарурлиги аниқланди.

Жумладан, дастлабки бухгалтерияни юритишда 116 та, солиқ қарзи тўғрисида маълумот беришда 63 та, солиқ режимини танлашда ... та, солиқ имтиёзлари ва уларни қўллаш тартиблари бўйича тушунча беришда 239 та, 5141.4 сўмлик ҚҚС солиғидаги мавжуд ортиқча тўловни қайтаришда 19 та, 201,8 сўмлик бошқа солиқ турларидаги ортиқча тўлов суммасини қайтаришда 40 та,  тадбиркорлик субъектига кўмаклашилди. Шунингдек, 20,0 сўмлик имтиёзли кредит олишда 1 та, инфратузилма билан боғлиқ муаммоларни бартараф этишда 4 та, ҳокимликлар билан боғлиқ муаммоларни ҳал қилишда 34 та тадбиркорга амалий ёрдам берилди.

Мамлакатимизда аҳолини тадбиркорлик фаолиятига жалб қилган ҳолда уларнинг бандлигини таъминлашга алоҳида эътибор берилмоқда. Жумладан, Ўзбекистон Республикаси Президентининг 2020 йил 8 июндаги “Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора-тадбирлари тўғрисида”ги ПҚ-4742-сонли қарори бу борада муҳим дастуриламал ҳужжат бўлди.

Таъкидлаш жоизки, жисмоний шахслар ўзини ўзи банд қилган  сифатида рўйхатдан ўтиши мураккаб жараён эмас. Жумладан, бу Soliq мобиль иловаси ёхуд солиқ тўловчининг шахсий кабинети орқали амалга оширилади. Рўйхатдан ўтгандан сўнг матрицали штрих код (QR-код)ли гувоҳнома берилади.

Бугунги кунда солиқ тўловчиларнинг мурожаат ва саволларига тезкорлик билан жавоб қайтариш мақсадида телеграм мессенджерида SoliqMaslahatchilari (6300 дан ортиқ аъзоси бор), Soliqchi-koʻmakchi Samarqand DSB  гуруҳлари ташкил қилинган бўлиб, савол ва мурожаатларга тезкорлик билан жавоб бериб келинмоқда.

Телеграмдаги вилоят давлат солиқ бошқармасининг viloyat_soliq_xabarlari расмий канали орқали солиқ қонунчилигидаги янгиликлардан хабардор бўлишингиз мумкин. Шунингдек, туман солиқ инспекциясининг солиқчи-кумакчи Телеграм гурухида ёзма мурожаат қилишлари мумкин.

Солиқ тизимида рўй бераётган ўзгаришларни сизларга содда ва халқчил тилда тушунтиришда, айниқса, туманда ҳали кўп ишларни амалга оширишимиз лозим. Вилоят давлат солиқ бошқармаси, туман давлат солиқ инспекцияларида фаолият юритувчи барча даражадаги раҳбарлар сизларга кўмак беришга ҳар доим тайёр. Ўзларингизни қийнаётган муаммолар ва саволлар билан бевосита қабулимизга келиб ёки юқорида ижтимоий тармоқларда кўрсатилган манзиллар орқали бемалол мурожаат қилишингиз мумкин.

Эътиборингиз учун раҳмат!