Assalomu alaykum aziz tumandoshlar!
Barchangizni bugungi ulug‘ ayyom – mamlakatimiz Konstitusiyasi qabul qilinganligining 29 yillik bayrami bilan samimiy muborakbod etaman.
Konstitusiyamiz nafaqat mustaqilligimizning huquqiy negizi, balki xalqimizning ozod va obod Vatan, erkin, farovon hayot qurishdek buyuk maqsad sari birlashtiruvchi muhim qonuniy hujjat sifatida ham ardoqlidir.
Konstitusiyada xalqimizning hohish-irodasi, ijtimoiy ongi, milliy madaniyati, maqsad-muddaolari va orzu-niyatlari aks etgan.
Aziz tumandoshlar!
Bizni bir maqsad yo‘lida birlashtirgan bosh qomusimiz millatni millat, davlatni davlat sifatida tanitishda qat’iy va bardavom bo‘lsin.
Barchangizni ushbu sana munosabati bilan yana bir bor tabriklab, sizlarga uzoq umr, sihat-salomatlik tilayman.
Paxtachi tuman hokimi
M.Xamdamov