Пахтачи туманидаги 1 ва 3-секторларда "бир қишлоқ бир маҳсулот" доирасида самарали ишлар олиб борилмоқда

Пахтачи тумани 1-сектор ҳудудидаги "Тинчлик" маҳалласида паррандачилик йўналишида оилавий тадбиркорликни йўлга қўйган хонадонларни Маҳалла ва оилани қуллаб қувватлаш бўлими раҳбари Г.Бобоназарова томонидан ўрганилди. Уларга ўз таклиф ва тавсияларини бериб ўтди.

Пахтачи тумани 3-секторда аҳоли хонадонларида ўрганиш олиб борган ишчи гуруҳ томонидан қўйидагилар аниқланди:
Ҳайит Элбеги маҳалласида жойлашган "Балойи Гумбаз" қишлоғида жами мавжуд хонадонлар сони 83 та, оила сони 71 та, аҳоли сони 362 нафарни ташкил қилади.
Мавжуд 83 та хонадондан 61 та хонадонда аҳоли доимий истиқомат қилиб келмоқда. Ўрганишлар натижасида ушбу хонадонларнинг 39 тасида иссиқхоначилик йўналиши, боғдорчилик йўналишида 2 та хонадон, асаларичилик йўналишида, паррандачилик йўналишида 2 та хонадон қишлоқда жами 4 та камбағал оила мавжуд бўлиб уларга субсидия асосида, иссиқхона қуриб берилмоқда.