Махсус имкониятлар
Туман ҳокимлиги мажлислар залида халқ депутатлари туман Кенгашининг 78- сессияси бўлиб ўтди. Сессия ишини Халқ депутатлари Пахтачи туман Кенгаши раиси ўринбосари Муродулла Шукуров олиб борди.
Сессияда туман ҳокими ўринбосарлари, депутатлар, ташкилот ва корхона раҳбарлари, оммавий ахборот воситалари вакиллари иштирок этдилар. Сессия котиблигига 9-Оқ тепа сайлов округидан депутат Абдумажид Ҳусанов сайланди.
Сессия кун тартибига кўра, туман молия бўлими мудири вазифасини бажарувчиси Суннат Бойқобиловнинг 2019 йилда туман маҳаллий бюджетининг ижроси ҳамда туман маҳаллий бюджетининг 2020 йилги параметрларини тасдиқлаш тўғрисидаги маърузаси тингланди.
Маърузалардан маълум бўлдики, 2019 йил якунларига қадар, туман маҳаллий бюджетининг даромадлари 41 миллиард 150 миллион сўмга ёки ўтган йилга нисбатан бу кўрсаткич 148 фоизга оширилиши кутилмоқда.
Муҳокамалардан сўнг сессияда кўрилган масалалар юзасидан тегишли қарорлар қабул қилинди.
