Нархол она шукроналик оши берди

Пахтачи туманидаги “Ғаллакор” фермер хўжалиги бошлиғи Нархол Қурбанова бугун 10-сентябрь куни эрта тонгдан шукроналик оши берди.

Маълумки, мустақиллигимизнинг 28 йиллик байрами арафасида Президентимиз Ш.Мирзиёев Нархол онамизни қишлоқ хўжалиги соҳасидаги кўп йиллик фидокорона меҳнатларини инобатга олиб, давлатимизнинг “Эл-юрт ҳурмати” ордени билан тақдирлаган эди.

Давлатимизнинг юксак мукофоти учун президентимизга ва халқимизга миннатдорчилик билдириб, элга ош берди.

Нархол Қурбановани яна бир бор қутлаш учун тадбирга Самарқанд вилояти ҳокимининг қишлоқ хўжалиги масалалари бўйича ўринбосари А.Нурқулов ташриф буюрди. Онамизга ўзининг самимий тилакларини билдирди ва эсдалик совғаси топширди.

Маълумот учун:

Нарҳол Қурбанова қишлоқ хўжалиги соҳасидаги фидокорона меҳнатлари учун аввал ҳам кўп маротаба мукофотланган. Жумладан, 1992 йил “Ўзбекистон Республикасининг Фахрий ёрлиғи” билан, 2004 йил “Фидокорона хизматлари учун” ордени билан, 2017 йил “Ўзбекистон Республикасида хизмат кўрсатган пахтакор” фахрий унвонлари билан мукофотланган.