Пахтачи тумани маркази Зиёвуддин шаҳарчасидаги тумандаги ягона рус тилида таълим берувчи 21-мактаб мана неча йиллардан буён таъмирталаб аҳволда эди.
Пахтачи туман ҳокими М.Ҳамдамов ҳудудларни ўрганиш даврида ушбу мактабга ташриф буюриб, мактаб ҳолати билан яқиндан танишди.
Танишиш мобайнида мактабдаги ҳолатни кўздан кечирган туман ҳокими мактабни буткул таъмирлаб, ўқувчилар учун замонавий шароитлар яратиш мақсадида қурилиш таъмирлаш ишлари бошлашга топшириқ берди.
Бугун, 26-август куни ушбу мактабда олиб борилаётган ишлар билан шахсан танишиб, мактаб жамоаси ва қурувчилар билан суҳбатлашди. Таъмирлаш ишларини тезлаштириш учун зарур кўрсатмаларни бериб ўтди.