Quturish yoki gidrofobiya (suvdan qo’rqish )-barcha issiqqonli hayvonlar va odamlarda uchraydigan,quturgan hayvonlarning tishlashi (tirnashi,Sulaklashi) natijasida odamlarga yuqadigan ,asosan asab tizimini shikastlanishi bilan kechadigan,virus tabiatli,bedavo o’ta xavfli yuqumli kasallikdir.
Kasallikning asosiy manbalari:Uy hayvonlari uchun quturish kasalligining asosiy manbalari –bo’ri,Chiyabo’ri, tulki,Kurshapalaklar hisoblansa. Odamlar uchun kasallikning asosiy manbalari it,mushuk, va yovvoiyi hayvonlardan bo’ri ,tulki, chiyabo’ri hisoblanadi.
Quturish odamga qanday yuqadi? Quturish kasalligi odamga asosan quturgan hayvonlarning tishlashi, tirnashi va sulaklashi oqibatida hayvon sulagi orqali yuqadi. Bundan tashqari, virus odamga jarohatlangan teri va shilliq qavatga qutirgan hayvonlarning sulagi tegishi natijasida ham yuqishi mumkin. Mazkur kasallik hayvonlardan hayvonga, hayvonlardan odamga yuqadi, lekin odamdan odamga ,odamdan hayvonlarga yuqmaydi.
Quturish kasalligi odamlarda qanday alomatlar bilan kechadi? Quturish kasalligi klinik kechishiga qarab , uch davrga bo’linadi: Boshlang’ich, quzg’alish, va falaj davrlari. Kasallikning boshlang’ich davri 1-3 kun davom etadi. Tishlangan joy o’rni qichiydi, tortishib og’riydi uyqusi buziladi, ishtahasi bug’iladi, qurquv hissi paydo bo’ladi. Kasallik boshlangandan 2-3 kun utgach, bemorda kuzg’alish, ya’ni kasallikning avj olish davri boshlanadi. Bemorning tana harorati ko’tariladi. Qon tomirlarning urishi tezlashadi. Suvni ko’rganda , hatto suv tug’risida eshitganda ham yutish muskullari tortishib, qisqarib qattiq og’riydi. Yutinish qiyinlashadi ya’ni bemorda suvdan qo’rqish (gidrofobiya ) alomati paydo bo’ladi. Shundan keyin bemordagi bu alomatga havodan qo’rqish (aerofabiya) alomati ham qo’shiladi. Bundan keyin yorug’likdan (fotofobiya) baland ovoz va shovqindan ham (akustofobiya) vujudga keladi. Bemorning uyqusi buziladi o’z-o’zini tishlaydi. Bemor o’z atrofidagilarni urishi, tishlashi, o’zini kiyimlarini yirtishi mumkin. Kasallikning uchinchi davri, ya’ni falaj davrida suvdan, havodan, yorug’likdan va shovqindan qo’rqish alomatlari ancha kamayib, bemor tinchlanadi. suyuqlik icha boshlaydi, ovqatlangisi keladi lekin tana harorati yuqoriligicha qoladi. So’zlarni aniq aytolmaydi, oyoqda, (paraplegiya) oradan 15-20 soat o’tgandan so’ng boshqa organlarda ham falajlanish boshlanadi. Bemordan ko’p sulak oqadi. Bemor yurak-qon tomir faoliyati yetishmovchiligi yoki nafas markazining falaji oqibatida vafot etadi.
Xo’sh fuqoralarimiz bu bedavo o’ta xavfli yuqumli kasallikdan saqlanishi uchun nimalarga e’tibor berishlari kerak? Bular quyidagilar: 1. Egasiz daydi itlarni paydo bo’lishiga yo’l qo’ymaslik.2. Egali itlarni hududiy veterinariya xizmati idorasiga o’z vaqtida hisobga qo’yib, quturishga qarshi emlatish. 3. It saqlash qoidalariga qat’iyan amal qilish. 4. It va boshqa hayvonlar tishlashidan saqlanish. 5. Bordi-yu biror bir hayvon tishlasa, unda zudlik bilan tibbiy yordamga murojaat qilish
Tuman kengashi deputati
Vrach epidemiolog: K.K.Berdiyarov.
Paxtachi ro’znoma .