Bugun Samarqand viloyat hokimining qishloq xo’jaligi masalalari bo’yicha o’rinbosari A.Nurqulov rahbarligida Paxtachi tumanidagi Хumor qo’rg’onida tumandagi barcha paxtachilik fermer xo’jaligi raislari, terim otryadlari rahbarlari, paxta terimida ishtirok etish istagini bildirgan fuqarolar, terimga mas’ul viloyat va tuman tashkilot rahbarlari bilan terim mavsumi yuzasidan seminar yig’ilishi bo’lib o’tdi.
Seminar yig’ilishi davomida terim mavsumiga tayyorgarlik bo’yicha ishlar ko’zdan kechirildi. Fermer xo’jaligi rahbarlari, terim otryadi rahbarlari va boshqa mas’ullar zimmasidagi vazifalar yana bir bor ta’kidlab o’tildi.