Махсус имкониятлар
Бугун 18-август куни Пахтачи тумани ҳокими М.Ҳамдамов тумандаги 41, 3 ва 1 мактабларга ташриф буюриб, уларда янги ўқув йилига тайёргарлик бўйича амалга оширилаётган ишлар билан танишди.
41-мактабни янада ободонлаштириш учун артизан қудуғи ўрнатиб бериш режалаштирилди. Шунингдек, мактаб яқинидаги 10-сонли мактабгача таълим ташкилотига ташриф буюриб, олиб борилаётган қурилиш ишлари билан танишди.
“Бурқут” қишлоғида “Обод қишлоқ” Давлат дастури бўйича амалга оширилаётган ишларни ўрганиб, 2-мактабнинг шарт-шароитлари, маҳалла биноси ва аҳоли хонадонлари кўча қисмида бажарилаётган ҳашар ишлари билан танишди. Қишлоқ аҳолиси янги асфальтланган кўчадан ҳурсанд эканликларини билдиришди. М.Ҳамдамов аҳолига хизмат қилувчи йўловчи ташувчи “Дамас” автомашинаси ҳайдовчилари билан суҳбатлашиб, энди текис йўлда тезликни оширмаслик, ўқувчи ва йўловчиларга сергак бўлиш ҳақида гапириб ўтди.
