"Yoshlikda olingan bilm - toshga o‘yilgan naqsh kabidir!"

Respublikamizda 15-noyabrdan 15-dekabrga qadar o‘tkazilayotgan "Yong'in xavfsizligi oyligi" tadbirlari doirasida, Paxtachi tuman FVB xodimlari tomonidan o‘quvchi yoshlarda sohaga bo‘lgan qiziqishni oshirish hamda yong‘in xavfsizligi qoidalarini targʻib qilishda badiiy yondashgan holda o‘quvchi bolajonlar o‘rtasida " Yong‘in xavfsizligi - bolalar nigohida" nomli ko‘rik tanlov o‘tkazildi.

Ko‘rik tanlovda oʻquvchi bolajonlar o‘zlarining rasmlari, she'rlari, haykalchalari, yongʻin xavfsizligini targʻib qiluvchi maketlar va o‘zbek xalq ertak qahramonlari ijrosida yongʻin xavfsizligi qoidalari aks ettiruvchi sahna ko‘rinishlari bilan ishtirok etishdi.

Bu ko‘rik tanlov albatta bolajonlarda o‘zgacha ta‘ssurot qoldirish bilan birgalikda, yoshlikdan kasbga bo‘lgan mehr va yongʻin xavfsizligi qoidalariga rioya qilishni o‘rgatdi.

Bu kabi tadbirlarimiz keng jamoatchilik bilan birgalikda ham davom etadi!