Uzoq kutilgan sport maydonchasi... Bugun 17-sentabr kuni Paxtachi tumani "Taraqqiyot" mahallasi 18-maktab hududida uzoq kutilgan Street-Workout maydonchasi foydalanishga topshirildi. Tadbirda Tuman sport maktabi rahbari, maktab direktori, mahalla ahli,  nuroniylar,  va yoshlar ishtirok etishdi. Shuningdek, tumanning Mirzo Ulugʼbek mahallasida zamonaviy universal sport maydoni qad rostladi. Shu munosabat bilan tashkil etilgan tantanali tadbirda so‘z olganlar, sportni rivojlantirishga qaratilayotgan  bunday e'tibor kelgusida o‘zining ijobiy samaralarini berishiga umid bildirishdi. Sport vazirligi tomonidan mazkur sport obyektlarining barpo etilayotgani respublikamizning chekka hududlarida ham sport infratuzilmasini mustahkamlash,  yoshlarning bo‘sh vaqtini mazmunli tashkil etish,  ommaviy sportni rivojlantirishda muhim qadam bo‘lmoqda.