Assalomu alaykum hurmatli tumandoshlar!

Sizlarni qutlug‘ O‘zbekiston Respublikasi Davlat bayrog'i qabul qilingan kun bilan chin qalbimdan tabriklayman.
O‘zbekiston Respublikasi bayrog‘i – Vatan timsoli. Uni ko‘rganda, har birimizning qalbimizda g‘urur, umid va ishonch uyg‘onadi.
Ayniqsa, yurtdan bir qadam olis ketgan fuqarolarimiz Vatan bayrog‘ini ko‘rganda, yuragi beixtiyor hapriqib ketadi. Ortida tog‘dek suyanchi – davlatimiz borligini his etadi.
Bayroqdagi ranglar, tinchlik va yangilanishni aks ettirib, u yuraklarimizni larzaga keltiradi.
Bugun barchamiz, qaysi soha va qaysi hududda faoliyat yuritishimizdan qat’iy nazar, mazkur muqaddas ramzga munosib bo‘lishimiz kerak. 
Vatan ravnaqi yo‘lida fidoyilik bilan mehnat qilishimiz mas’uliyatini oshirishimiz lozim.

Bayrog‘imiz yurtimiz tinchligi va farovonligining, yurt sha’ni, shonu shavkatidan darak belgisi sifatida doimo balandda, hilpirab tursin!

Paxtachi tumani hokimi
Qayum Norbekovich Xushbaqov