Assalomu aleykum

Hurmatli Paxtachiliklar va ijtimoiy tarmoq kuzatuvchilari

Men Allayorov Bobur Alim o‘g‘li Pensiya jamg‘armasi Paxtachi tuman bo‘limi boshlig‘iman. Bugungi brifingimiz mavzusi Pensiya jamg‘armasi tomonidan amalga oshirilayotgan ishlar to‘g‘risida.

Pensiya jamg‘armasi Paxtachi tuman bo‘limida 2025-yil 1-avgust holatiga jami 20 298 nafar pensiya oluvchi fuqarolar bo‘lib, shundan yoshga doir 16 849 nafar, nogironlik 2 325 nafar, boquvchisini yo‘qotganlik 1124 nafar pensiya oluvchi fuqarolarni tashkil etadi.

Pensiya oluvchi fuqarolarga oylik to‘lov miqdori 35 milliard 959 mln so‘mni tashkil etib,

Shundan:

Pensiya to‘lovlarini Bank plastik kartada oluvchi fuqarolar 16 652 nafar, naqd shaklda oluvchi fuqarolar 3 646 nafarni tashkil etadi.

Bank-plastik kartasida oluvchi 16 652 nafar pensionerlarga har oyning 1-5 sanalarida plastik kartalariga pensiya mablag‘lari 1 foiz qo‘shimcha miqdor bilan yuklab berilmoqda.

3 646 nafar naqd ko‘rinishida pensiya va kompensatsiya oluvchi fuqarolarga pensiya mablag‘lari har oyning 4-27 sanalarida yashash joylaridagi MFYlar orqali Halq banki sayyor kassalari tomonidan yetkazib borilmoqda.

O‘zbekiston Respublikasi Prezidentining 2023 yil 31 oktyabrdagi PQ-353-son Qarori ijrosini ta’minlashda pensiya tayinlashda fuqarolarga yanada qulayliklar yaratish maqsadida 2025-yil yanvar oyidan Davlat xizmatlari markazlarida pensiyaga chiqishda arizani elektron tarzda yuborishda, yashil yo‘laklar tashkil etilishi natijasida, yoshga doir, nogironlik va boquvchisini yo‘qotgan pensiyaga arizalar elektron qabul qilinishida qulayliklar yaratilgan..

Aholiga ijtimoiy xizmatlar ko‘rsatish tizimi yanada takomillashtirish munosabati bilan O‘zbekiston Respublikasining ayrim qonun xujjatlariga qo‘shimcha va o‘zgartirish kiritish to‘g‘risidagi 1066-son Qonuniga asosan 2025-yil 1-martdan boshlab, Erkaklar 60 yoshdan, Ayollar 55 yoshdan Yoshga doir pensiyalar fuqarolarning murojaatlari talab etmasdan proaktiv shaklda tayinlab kelinmoqda.

2025-yil mart-aprel-may-iyun oylarida jami 377 nafar proaktiv arizalardan 80 nafar fuqarolarga 20 foiz yoshga doir pensiyalar ularni xech qanday murojaatlarisiz elektron axborot almashinuvi tarzida tayinlab berildi.

O‘zbekiston Respublikasi Prezidentining 2025-yil 27-maydagi 194-son “Nogironlik pensiyalari va kompensatsiyalarini tayinlashda proaktiv xizmatlarni joriy etish to‘g‘risida”gi Qaroriga asosan 2025-yil 1-iyuldan ham Nogironlik pensiyalari fuqarolarni aloxida murojaatlari talab etmasdan proaktiv shaklda tayinlanishi belgilandi.

O‘zbekiston Respublikasi Prezidentining 2025-yil 26-iyundagi  PF-105-son Farmonida belgilangan, Farmonda ko‘rsatib o‘tildiki 2025-yil iyul — oktabr oylari davomida hokim yordamchilari har bir mahalladagi  “mahalla yettiligi” bilan birgalikda fuqarolarning mehnat daftarchasi ma’lumotlarini tuman (shahar) kambag‘allikni qisqartirish va bandlikka ko‘maklashish bo‘limlari orqali raqamlashtirish ishlarini tashkil etishi,
barcha fuqarolarning mehnat daftarchasi ma’lumotlarini “Yagona milliy mehnat tizimi” IDAK (idoralararo dasturiy-apparat kompleksi)ga kiritish ishlarini tashkil etishlari kerak buladi.

Shu o‘rinda Pensiya yoshiga yetmagan fuqarolarimizdan shuni suraymizki PQ-4502-sonli qarorga asosan ishlovchi fuqarolarimiz ish joyidagi xodimlar bilan ishlash bo‘limi orqali mexnat daftarchalarini raqamlashtirib qo‘yishlarini, PQ-5102-sonli qarorga asosan ishlamaydigan fuqarolarimiz tuman Kambag‘allikni qisqartirish va bandlikka ko‘maklashish bo‘limlari orqali mexnat faoliyatini raqamlashtirib qo‘yishlari kerak bo‘ladi.

 Xurmatli fuqarolarimiz kelajakdagi pensiyalari uchun befarq bo‘lmasligini, Ya’ni ish stajlarini raqamlashtirib qo‘yishlarini so‘rab qolamiz.

Qo‘shimcha savollar, takliflar bo‘lsa Paxtachi tuman Pensiya jamg‘armasi bo‘limiga murojaat qilishlaringiz mumkin.

E’tiboringiz uchun rahmat!!