Бугун 5 октябрь куни Зиёвуддин шаҳарчасининг Қ.Суюнов ва М.Улуғбек кўчалари  кесишмасида йўл ҳаракати иштирокчиларига янада қулайлик яратиш мақсадида ҳаракатни тартибга солувчи чироқлар ўрнатилди.
 

Пахтачи туманининг М-37 автомагистрал йўлидан "Даратут" қишлоғига олиб борувчи қариб 10 километрлик йўл асфальт бўлди.
Бу каби бунёдкорлик ишларидан Фаровон Йўлдошобод маҳалласининг ёшу кексалари бирдек хурсанд бўлишиб, вилоят ҳокими Э.Турдимовга, туман ҳокими М.Хамдамов ва йўлсозларга миннатдорчиликларини билдиришмоқда.

Пахтачи туман 2-сектор ҳудудида фаолият юритиб келаётган “Нодиржон, Наврўзжон Ортиқов” фермер хўжалиги 56,8 га ер майдонига эрта баҳорда чигит экиб бугун 43 центнер ҳосил кўтариб давлатга 190 тоннадан ортиқ пахта топшириб шартнома шартларини ошиғи билан бажарди.
Юқори ҳосил етиштиришда фаол иштирок этган механизатор, сувчиларга  500 000 сўмдан пул мукофоти, илғор пахта теримчиларга қимматбаҳо совғалар тарқатди.

Айни кунларда уюшқоқлик билан ҳамда карантин қоидаларига амал қилинган ҳолда давом этаётган пахта мавсуми ўзидаги шарт-шароитлари, иссиқ таомлари, вақтида ва жойида тарқатилаётган терим пуллари билан пахтакорлар учун янада қулайлик яратмоқда.

Пахтачи тумани Урғич маҳалласининг марказий “Ўзбекистон” кўчаси Ўзбекистон Республикаси мустақиллигининг 29 йиллиги арафасида асфальтланиб фойдаланишга топширилди.
Шу ҳудудда истиқомат қилувчи ёш-у кексалар бунёдкорлик ва ободлик уларнинг чекка қишлоқларига етиб келганидан хурсандликларини изҳор этишиб давлатимизда олиб борилаётган бу каби ишлар учун президентимизга, вилоятимиз ҳамда туманимиз ҳокимига, йўлсозларларга ўз миннатдорчиликларини йўлламоқдалар. 
 

Обод марказ дастури бўйича ХЛ 10кВ электр тармоғи тортиш ишларининг якуний босқич ишлари амалга оширилмоқда.