10-мактабгача таълим ташкилоти туман ҳокими бошчилигида таъмирланмоқда

Самарқанд вилоят ҳокими 5-августда ўтказган видеоселектор йиғилишида оғир аҳволда фаолият олиб бораётган болалар боғчаларига ёрдам кўрсатиш ташаббусини илгари сурган эди.

Ушбу ташаббус асосида тумандаги 7 та мактабгача таълим ташкилоти таъмирланмоқда. Туман ҳокими М.Ҳамдамов ушбу ташаббус доирасида ўз секторидаги Мирзо Олим маҳалласида жойлашган 10-МТТ ни таъмирлаш ишларига шахсан бош бўлмоқда.

Бугун 14-август куни туман ҳокими М.Ҳамдамов ушбу боғчада таъмирлаш ишлари олиб борилиши ҳолатини ўрганиб чиқди. Бажарилиши лозим бўлган ишлар белгилаб олинди.