Махсус имкониятлар
Бугун 27 май куни Халқ депутатлари Пахтачи тумани Кенгашининг навбатдан ташқари сессияси бўлиб ўтди. Сессияда Самарқанд вилояти ҳокими Э.Турдимов иштирок этиб, туманда олиб борилаётган ислоҳотлар, ижтимоий-иқтисодий соҳага танқидий баҳо берди.
Сессияда ташкилий масала кўрилди. Шу вақтга қадар туман ҳокими вазифасида ишлаб келган Воҳид Санақулович Рахимов лавозимидан озод этилди. 2018 йил февраль ойидан буён Самарқанд вилоят Давлат молиявий назорат бошқармаси бошлиғи вазифасида ишлаб келган Ҳамдамов Музаффар Яздонкулович Пахтачи тумани ҳокими лавозимига тасдиқланди.
Музаффар Ҳамдамов 1980 йил Самарқанд туманида туғилган бўлиб, аввал вилоятда молия ва иқтисодиёт соҳасида турли вазифаларда фаолият юритган. Жумладан, 2017-2018 йилларда вилоят Ғазначилик бошқармаси бошлиғи лавозимида ишлаган.
