Вилоят ҳокимининг навбатдаги оммавий сайёр қабули бўлиб ўтди

jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp webm

Мамлакатимизда халқ билан мулоқот қилиш, аҳолини ўйлантираётган муаммоларга тезкор ва жойида ечим топишнинг замонавий ва самарали механизми йўлга қўйилгани одамларнинг адолатга, давлатга, эртанги кунга ишончини мустаҳкамламоқда.

Жорий йилнинг 10 май куни Пахтачи тумани Шамсиназар маҳалла фуқаролар йиғини ҳудудидаги “Ўзбегим” тўйхонасида вилоят ҳокими бошчилигида навбатдаги оммавий сайёр қабул ўтказилди.

Оммавий сайёр қабулда 200 нафарга яқин фуқаролар мурожаати бирма-бир тингланди. Фуқаролар томонидан асосан соғлиқни сақлаш, ишга жойлашиш, уй-жой, моддий ёрдам, йўлларни таъмирлаш, тоза ичимлик суви билан таъминлаш масалаларига оид мурожаатлар билдирилди. Мурожаатларнинг аксарияти жойида ҳал қилинди. Ечими маълум вақт талаб этиладиган мурожаатлар бўйича бир ҳафталик муддат билан тегишли масъуллар бириктирилиб, ижроси вилоят ҳокимлиги томонидан назоратга олинди. 17 май куни ушбу оммавий сайёр қабулда билдирилган мурожаатлар ижроси вилоят ҳокимлигида муҳокама этилиши белгиланди.

Шунингдек, сайёр қабул ўтказилган ҳудудда Давлат хизматлари агентлиги томонидан турли тезкор давлат хизматлари кўрсатилди.

Бундай тадбирлар фуқароларнинг розилигини таъминлаш ва аҳолининг давлат идораларига бўлган ишончини янада мустаҳкамлашига хизмат қилади.

2015-2024 © Пахтачи туман ҳокимлиги. Сайт яратувчиси: SAKTRM