“Ҳуқуқбузарликлар профилактикаси куни” муносабати билан тадбир ташкил этилди

Жорий йилнинг 25 апрел куни “Ҳуқуқбузарликлар профилактикаси куни” муносабати билан Пахтачи туманида тадбир ташкил этилди. Тадбирда Ўзбекистон Республикаси ИИВ Транспортда хавфсизликни таъминлаш Бош бошқармаси бошлиғи ўринбосари подполковник С.С.Абзалов, Бош бошқарманинг ҳуқуқбузарликлар профилактикаси бошқармаси бошлиғи подполковник Э.И.Гулямов, Самарқанд вилояти транспортдаги хавфсизликни таъминлаш бошқармаси бошлиғи подполковник Э.М.Алкаровлар иштирок этишиб, бугунги кунда муҳтарам юртбошимиз томонидан ҳуқуқбузарликларни барвақт олдини олиш ва жиноятчиликка қарши курашиш борасида берган топшириқлари ижроси ҳақида тўхталиб ўтишди.

Давра суҳбатида Пахтачи туманида ҳуқуқбузарликлар ва жиноятчиликни олдини олиш борасида амалга оширилаётган ишлар ҳақида гапирилар экан, эришилган ютуқлар билан бир қаторда йўл қўйилаётган камчиликлар танқидга олиниб, айтиб ўтилди.