"Кўзмунчоқ" мактабгача таълим муассасаси фойдаланишга топширилди

Жорий йилнинг 1 апрель куни Пахтачи тумани Урганжи маҳалласида янги 25 ўринга мўлжалланган "Кўзмунчоқ" оилавий нодавлат мактабгача таълим муассасаси фойдаланишга топширилди. Тадбирда 3-сектор раҳбари, туман ИИБ бошлиғи Б.Санақулов, туман ҳокимининг ўринбосари Ж.Болтаев ва маҳалла фаоллари иштирок этишиб, болажонларни янги муассасанинг фаолият бошлагани билан муборакбод этишди. Очилиш маросимида болажонлар томонидан тайёрланган саҳна кўринишлари намойиш этилди.