Республикамиз бўйлаб давом этаётган Ўзбекистон "ВЕТЕРАН" жангчи-фахрийлари Бирлашмасининг ташкил топганлигининг 30 йиллиги муносабати билан "Бирлашма раиси кубоги" мини-футбол мусобақаси 2023-йилнинг 7-феврал куни Самарқанд шаҳрида Қашқадарё,Самарқанд,Сурхондарё ҳамда Жиззах вилояти фахрийлар футбол жамоалари ўртасида бўлиб ўтди, футбол мусобақасида Жиззах вилояти жамоаси ғолиб бўлишиб, финал йўлланмасини қўлга киритишди. Турнирнинг 9-феврал куни Бухоро шаҳрида бўлиб ўтадиган ўчрашувларида Қорақалпоғистон республикаси, Хоразм,Бухоро ҳамда Навоий вилояти жангчи-фахрийлари Бирлашмаси футбол жамоалари иштирок этишади.
Эслатиб ўтамиз!
Ўзбекистон Республикаси Ёшлар сиёсати ва спортни ривожлантириш вазирлиги,Ўзбекистон "ВЕТЕРАН" жангчи-фахрийлари ва ногиронлари Бирлашмаси, Ўзбекистон фахрийларининг ижтимоий фаолиятини қўллаб қувватлаш "Нуроний" жамғармаси,
Ўзбекистон Футбол ассосиасияси(ЎФА фахрийлар кенгаши),Мудофаа вазирлиги фахрийлар марказий кенгаши, Алфраганус университети
ҳамкорлигида ўтказилаётган мини-футбол мусобақасининг финал ўйинлари 14-феврал куни Тошкент шаҳрида бўлиб ўтади, чемпион бўлган жамоа МДҲ давлатлари фахрийлар жамоалари ўртасидаги мини-футбол мусобақасида иштирок этиши кутилмоқда.