Махсус имкониятлар
Туманимиз аҳолисига кўрсатилаётган тиббий хизматлар сифатини яхшилаш, самарадорлигини ошириш ва тиббий хизматларни аҳолига янада яқинлаштириш мақсадида бугун 3 октябр куни туман Тиббиёт бирлашмасига қарашли бирламчи тиббий санитария ёрдами муассасалари негизида 4 та маҳалла тиббиёт пунктлари очилди.
Ҳайит Элбеги Оилавий Поликлиникага қарашли умумий 2 842 нафар аҳолига хизмат қилиувчи "Қувондиқ" маҳалла тиббиёт пункти, умумий 4 015 нафар аҳолига хизмат қилувчи Сардоба маҳалла тиббиёт пункти ва яна шу Оилавий Поликлиникага қарашли "Худойберди" маҳалла тиббиёт пункти умумий 2 022 нафар аҳолига тиббий хизматларни кўрсатиш мақсадида очилди.
Шунингдек, Бурқут Оилавий Шифокорлик Пунктига қарашли умумий 2 052 нафар аҳолига тиббий хизматларни кўрсатувчи Туғалон маҳалла тиббиёт пункти ҳам тантанали очилди.
Барча тиббиёт пуктлари Пахтачи тумани ҳокими М.Хамдамов, туман тиббиёт бирлашмаси бошлиғи У.Сувонов ва кенг жамоатчилик иштирокида очилди.
Маҳалла тиббиёт пунктларининг ҳар бирида 2 ўринга мўлжалланган кундузги шифохона ташкил этилган бўлиб иш вақти соат 8:00 дан -20:00 гача белгиланган.
Маҳалла тиббиёт пунктларида 1 нафар оила шифокори ва 4 нафар тиббий бригада ҳамширалари хизмат қилади.
