Пахтачи туман ДСИ бошлиғига «Меҳр-саховат» кўкрак нишони топширилди

Бутун дунёни хавотирга солиб турган коронавирус пандемияси даврида фидойилик кўрсатган ходимларнинг меҳнатини эътироф этиш, уларни рағбатлантириш мақсадида Ўзбекистон Республикаси Президентининг Фармонига асосан бир гуруҳ соҳа ходимлар «Меҳр-саховат» кўкрак нишони билан тақдирланган.
Мазкур фармонга мувофиқ, коронавирус пандемияси даврида, шунингдек, турли табиий офатлар туфайли эл-юртимиз бошига тушган синовли кунларда мавжуд хавф-хатарларга қарши курашда, уларнинг оқибатларини бартараф этишда мардлик ва жасорат намунасини кўрсатган, аҳолининг ижтимоий ҳимояга муҳтож қатламларини ҳар томонлама қўллаб-қувватлашга катта ҳисса қўшган ҳамда вилоят давлат солиқ органлари тизимида бюджет тушумларини прогноз кўрсаткичларини таъминлашда фаол иштирок этган Пахтачи тумани давлат солиқ инспекцияси бошлиғи Акбарали Турғунов ҳам «Меҳр-саховат» кўкрак нишони билан тақдирланди.
Вилоят давлат солиқ бошқармасида ўтказилган тадбирда кўкрак нишони ўз эгасига топширилди. Унда сўзга чиққан бошқарма бошлиғи Аловиддин Иноғомов жаҳон миқёсида кенг тарқалиб, глобал муаммога айланган коронавирус пандемияси даврида, эл-юртимиз бошига тушган синовли кунларда турли соҳалар вакиллари қатори солиқ органи ходимлари ҳам юксак фидойилик кўрсатиб меҳнат қилаётганини таъкидлаб ўтди.
 Машаққатли меҳнати ортидан солиқ ходимларининг «Меҳр-саховат» кўкрак нишони билан тақдирланиши бу – вилоятдаги барча солиқ идоралари фаолиятига берилган юксак баҳо эканлиги қайд этилди.

Вилоят давлат солиқ бошқармаси 
Матбуот хизмати.