Жорий йилнинг 16-апрель куни Пахтачи тумани “Тараққиёт” маҳалласида яшовчи фуқаро Ж.М. ва “Гулобод” маҳаллалар йиғинида яшовчи фуқаро З.О.лар ўзаро жанжаллашишади.
Мазкур фуқаролар ўртасидаги келишмовчилик Пахтачи туман ИИБ бошлиғининг ҳуқуқбузарликлар профилактикаси масалалари бўйича ўринбосари подполковник М.Ҳамраев бошчилигида жамоатчилик ўртасида муҳокама қилинди.
Муҳокамада Маҳалла ва оилани қўллаб-қувватлаш бўлимининг фахрийлар ва кексалар бўйича ўринбосари М.Самандаров, “Гулобод” ва “Тараққиёт” маҳаллалари раислари, маҳаллаларнинг нуронийлари ҳамда ўзаро жанжаллашган фуқароларнинг яқин қариндошлари қатнашишди.
Фуқаролар Ж.М. ва З.О. ўртасидаги ўзаро жанжалнинг муҳокамасида фахрийлардан И.Жўраев, Р.Тожиев, М.Бобонов, Ризақул хожи, Қ.Санақулов ва Ш.Қурбоновлар халқимизнинг эр йигитларига хос мардлик, босиқлик, мулоҳазалик, кечиримлилик хислатларини, ҳамқишлоқлик муносабатларини ҳурмат қилишга ва уларга қаттиқ амал қилишга чақиришди.
Фуқаролар Ж.М. ва З.О.лар ўзларининг хатти ҳаракатларидан пушаймон эканликларини билдиришиб, гина адоват сақламаган ҳолда ярашишди.