Махсус имкониятлар
"Ҳарбий ватанпарварлик ойлиги" муносабати билан бугун 14 январ куни Пахтачи тумани Мудофаа ишлари бўлими ходими Боғибек Қурбонов 21 умумтаълим мактабининг ўз қизи тахсил олаётган 3-синф ўқувчилари билан "Ватанпарлик-миллий юксалиш кафолати!" шиори остида давра суҳбати ўтказди.
Ватанни ҳимоя қилиш, қизларни ҳурмат қилиш, армиямиздаги янгиликлар ҳақида сўзлади. Ушбу синфдаги 20 нафар ўғил болаларнинг барчасига байрам совғалари топширди. Болажонлар ватан ҳақида шеърлар айтишди.
21 мактаб директори К.Халилова Б.Қурбоновни байрам билан табриклаб, ҳақиқий ҳарбийга хос бу каби эътибор учун ўз миннатдорчилигини билдирди.
