Бугун, 22 декабрь куни туманимиздаги барча сайлов участкаларида Ўзбекистон Республикаси Олий Мажлиси Қонунчилик палатаси ва маҳаллий Кенгашларига сайловлар давлатимиз мадҳиясини ижро этишдан бошланди.
Эрталабдан сайловларда энг фаол сайловчилар ёши улуғ отахон онахонларимиз бўлишмоқда. Туманимизда 37 та сайлов участкаси ташкил этилган бўлиб, сайловларда 90 622 нафар тумандошимиз сайловчи сифатида рўйхатга олинган. Улардан шу йили 18 ёшга кириб, сайлаш ҳуқуқига эга бўлганлари сони 3213 нафарни ташкил этмоқда.