Ҳурматли тумандошлар, туманда ўтказиладиган умумхалқ ҳашарида сиз ҳам иштирок этинг

Жорий йилнинг 8-9 июн кунлари Самарқанд вилояти ҳокими Турдимов Эркинжон Оқбўтаевич ва Пахтачи тумани ҳокими Ҳамдамов Музаффар Яздонқулович ташаббуси билан туманда умумхалқ ҳашари ўтказилади.

Ҳашарга туман ҳокимлигининг барча ходимлари, тумандаги барча корхона-ташкилотлар ҳамда муассасалар жалб этилди.

Ушбу ҳашар давомида тумандаги барча ижтимоий соҳа объектлари, корхона ва ташкилотларнинг ён-атрофи, тумандан ўтувчи М37 катта йўл атрофи, қолаверса аҳоли хонадонлари теварак-атрофида ҳам ободонлаштириш ишлари олиб борилади.

Ушбу масала юзасидан жорий йилнинг 7 июн куни туман ҳокимлигининг катта мажлислар залида вилоят ва туман раҳбарияти томонидан кенгайтирилган йиғилиш ўтказилиб, ҳар бир бажариладиган вазифа бўйича масъуллар белгиланиб, чора-тадбирлар белгилаб олинди.

8 июн куни эрта тонгдан барча ушбу ҳашар учун меҳнат қуроллари билан қуролланиб, туманимиз кўркамлигига ўз ҳиссаларини қўшишга киришишади.

Барчани ушбу ўтказиладиган ҳашарда фаол иштирок этишга чорлаб қоламиз.

Image_elon: 
jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp webm
2015-2024 © Хокимият Пахтачийского района. Разработан в: SAKTRM