Самарқанд вилояти Соғлиқни сақлаш бошқармаси ташаббуси билан барча тиббиёт ва тиббий таълим муассасаларида доимий иш куни давомида ишлаб чиқариш гимнастикаси машқлари, ҳафтанинг шанба куни ходимларнинг жисмоний тарбия-оммавий тадбирларда иштирокини назарда тутадиган “Саломатлик куни” ни ўтказиш режалаштирилди.
Ҳафтанинг ҳар бир куни маълум бир шиор остида соғлом турмуш тарғиботи тадбирлари ўтказилиши белгиланди.
Бугун 7-сентябрь шанба куни эса жисмоний фаоллик бўйича “Зарарли одатлар умр кушандаси” шиори остида оммавий тадбир бўлиб ўтди.
Ушбу оммавий тадбирда тиббиёт ходимлари билан ҳамкор ташкилотларнинг кўнгилли ходимлари иштирок этишди.