Туман ҳокимининг маърузалари, чиқишлари ва табриклари

Пахтачи туман ҳокими Музаффар Хамдамовнинг туманимиз аҳлини Қурбон ҳайити билан табриклаб йўллаган байрам табриги

Ҳурматли тумандошлар!

Тумандошларимиз шу кунларда ҳурсандчилик ила кутиб олаётган Қурбон ҳайити билан сиз азиз мўминларни чин қалбимдан самимий табриклаб, энг эзгу тилакларимни билдираман.


Пахтачи тумани ҳокими Ҳамдамов Музаффар Яздонқуловичнинг қурилиш соҳаси ходимларини касб-байрами билан табриклаб йўллаган байрам табриги

Ҳурматли қурувчилар!

Маълумки, Ўзбекистон Республикаси Президенти Шавкат Мирзиёевнинг 2017 йил 7 августдаги “Ўзбекистон Республикаси қурилиш соҳаси ходимлари кунини нишонлаш тўғрисида” ги Фармонига кўра, август ойининг иккинчи якшанбаси қурилиш соҳаси ходимларининг касб байрами сифатида нишонланади.

Сиз, азизларни – туманимиз қурилиш соҳасини равнақ топтиришга муносиб ҳисса қўшиб келаётган барча тумандошларимизни касб байрамингиз – Қурилиш соҳаси ходимлари куни билан чин қалбимдан самимий муборакбод этаман.


Пахтачи тумани ҳокими Рахимов Воҳид Санақуловичнинг 25-май мактаб битирувчилари учун бўлиб ўтган тадбирда сўзлаган нутқи

Ассалому алайкум, хурматли, меҳри дарё устозлар, бугун юраги ҳам қувонч, ҳам шодлик билан тўлган, орзулар қанотида учаётган қадрдон битирувчилар ва фарзанди қувончига шерик бўлиш учун келган ҳурматли ота-оналар!

Биз бугун шундай улуғ бир замин, қайси-ки, пойида аъзим Зарафшон дарёси жўш ўриб оқаётган, тарих зарварақларида ўқ ўтмас қалъа номлари билан эътироф этилган “Дабусқалъа” жойлашган, бағрида битмас-туганмас бойликларни жамлаган “Қизбуви” тоғлари билан машҳур бўлган Пахтачи туманининг сўлим истироҳат боғида йиғилиб турибмиз.


Пахтачи тумани ҳокими Рахимов Воҳид Санақуловичнинг Наврўз умумхалқ байрам тадбирида сўзлаган нутқи

Ассалому алайкум азиз тумандошлар, ҳурматли меҳмонлар!

Барчангизни орзиқиб кутилган қадимий, мустақиллигимиз туфайли қайта тикланиб, янада чирой очган байрамимиз – Наврўзи оламнинг ўлкамизга кириб келиши билан самимий муборакбод этаман.

Мустақил Республикамиздаги каби туманимизда ҳам яшариш ва яшнатиш фасли бошланди. Халқимиз азалдан-азал ушбу қадимий ва миллий байрамни ўзгача руҳда нишонлайди. Элимизда Наврўз шамоли эсиши билан деҳқон ерга уруғ сочади, боғбон кўчат экиб, боғлар яратиш иштиёқида куйиб-пишади, чўпон бир отардан икки отар яратиш мақсадида қўзилатиш мавсумини янада авж олдиради. Буларнинг барчаси – эртанги кун орзуларидан, фаровон ҳаётга бўлган ишончдан далолатдир.


Пахтачи тумани ҳокими Рахимов Воҳид Санақуловичнинг Ўзбекистон Республикаси Давлат мустақиллигининг 27 йиллигига бағишланган тантанали байрам тадбирида сўзлаган нутқи

Ассалому алайкум, азиз тумандошлар, қадрли меҳмонлар!

Ўзбекистон Республикасининг Биринчи Президенти Ислом Каримов томонидан жонажон Ватанимизни мустақил мамлакат дея эълон қилинганига 27 йил вақт ўтди. Ушбу табаррук сана республикамиз тарихига зарҳал ҳарфлар билан битилган, шу она-заминда яшаётган ҳар бир ватандошимиз қалбидан мустаҳкам ўрин эгаллаган кун сифатида ҳар қанча эъзозга лойиқ.


9 май – Хотира ва қадрлаш куни муносабати билан ўтказилган маросимда Пахтачи тумани ҳокими Рахимов Вохид Санақуловичнинг нутқи

Ассалому алайкум азиз тумандошлар, қадрли фахрийларимиз!

Бугун Ватанимиз ва бутун халқимиз Иккинчи Жаҳон урушида фашизм устидан қозонилган Ғалабанинг 73 йиллигини кенг нишонламоқда. Ана шу буюк сана билан аввало бу машъум урушда қатнашиб, мардлик ва жасорат кўрсатган барча уруш фахрийларини, шулар қаторида фронт ортида фидокорона меҳнат қилган тумандошларимизни, бутун халқимизни чин қалбимдан самимий табриклайман. Яна шуни айтиш жоизки, уруш майдонларидан қайтмаган, бугунги мусаффо осмонимиз учун жон берган ватандошларимиз хотираси олдида бош эгиш барчамиз учун ҳам фарз, ҳам қарздир.

2015-2019 © Paxtachi tuman hokimligi. Sayt yaratuvchisi: SAKTRM