Тumandagi rus tilida ta’lim beruvchi yagona 21-maktab tuman hokimi e’tiboridan so’ng ta’mirlanmoqda

Paxtachi tumani markazi Ziyovuddin shaharchasidagi tumandagi yagona rus tilida ta’lim beruvchi 21-maktab mana necha yillardan buyon ta’mirtalab ahvolda edi.

Paxtachi tuman hokimi M.Hamdamov hududlarni o’rganish davrida ushbu maktabga tashrif buyurib, maktab holati bilan yaqindan tanishdi.

Тanishish mobaynida maktabdagi holatni ko’zdan kechirgan tuman hokimi maktabni butkul ta’mirlab, o’quvchilar uchun zamonaviy sharoitlar yaratish maqsadida qurilish ta’mirlash ishlari boshlashga topshiriq berdi.

Bugun, 26-avgust kuni ushbu maktabda olib borilayotgan ishlar bilan shaxsan tanishib, maktab jamoasi va quruvchilar bilan suhbatlashdi. Тa’mirlash ishlarini tezlashtirish uchun zarur ko’rsatmalarni berib o’tdi.